39 ka nasod moapil sa ICAO

39 ka nasod moapil sa ICAO
SunStar Local News GPX

Ang mga opisyal sa 39 ka mga nasod ug walo ka Pacific states sa Asia-Pacific region gikatakda nga motambong sa International Civil Aviation Organization Conference (ICAO) nga ipahigayon sa Sugbo karong Oktubre 14-18, 2024.

Kini maoy gipahibalo sa Kagamhanan sa Probinsya sa Sugbo subay sa pahibalo usab gika sa Civil Aviation Authority of the Philippines (CAAP) pinaagi kang Director General Captain Manuel Antonio Tamayo.

Ang ICAO usa ka ahensya sa United Nations (UN) nga mo­tabang sa kanasuran nga mahiusa aron magkatinabangay sa pagpalambo sa aviation industry ug kaayuhan nga mahimo alang sa safety, advancement, airspace ug technology ilabi na sa matag adlaw nga biyahe sa mga turista.

Mao kini ang labing unang higayon nga mo-host ang Sugbo sa maong kalihukan diin nahimutang ang Mactan Cebu International Airport (MCIA) nga gitanyag isip Best Airport in Asia ubos sa 5 million-passenger category dili pa lang dugay.

Si Gobernador Gwendolyn Garcia usa sa mga opisyal nga naglingkod sa Board sa Mactan Cebu International Airport Authority (MCIAA) nga usa ka policy-making body sa MCIA, usa sa labing dako ug importante nga airport sa nasod karon.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph