4 anyos nga babaye nabanggaan, patay

4 anyos nga babaye nabanggaan, patay
SunStar Local News GPX

Namatay ang usa ka 4 anyos nga batang babaye nga nabanggaan sa L300 van sa provincial road sa Brgy. Papan Bukid, lungsod sa Sibonga, alas 3 sa hapon sa Miyerkules, Mayo 8, 2024.

Ang biktima giila nga si Felicity Suico Fernandez samtang ang L300 van gimaniho ni Joel Regodon, 42, taga Tangasan, Brgy. Valladolid, Siyudad sa Carcar,

Sa imbestigasyon sa kapulisan sa Sibonga ubos sa kamandoan sa hepe nga si P/Capt. Fort Antony Valdez, nasayran nga ang biktima gidali sa pagtabang sa mga sakop sa rescuers sa Sibonga ug gidala sa Deiparine Community Hospital apan pipila ka mga gutlo, nakabsan sa kinabuhi.

Sumala sa inahan, gikahika­bi sa Superbalita Cebu, ang iyang anak nikuyog sa Papan, Sibonga sa balay sa iyang ugangan ug nagduwa uban sa ig-agaw nga mga bata sab.

Wa niya damha nga mosunod og labang sa karsada ang iyang anak sa dihang nilabang ang gikaduwa niini hinungdan nga nabanggaan sa L300 van.

Si Regodon nga nitahan sa kapulisan sa Sibonga ug gikahinabi sa Superbalita Cebu, kini nagkanayon nga dugay na siyang nag-agian sa Papan nga nagmaniho sa L300 van gikan sa lungsod sa Dumanjug.

Naghatod siya og mga itlog sa Sibonga apan karon lang, matod niya, nahitabo nga siya nakabangga kay ang biktima kalit nga nilabang sa karsada. Ang drayber nitahan ug gitanggon sa kapulisan. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph