Nangabot na ang upat ka generator sets nga gamiton sa isla sa Malapascua, amihanan sa Sugbo aron pagsiguro sa igong supply sa kuryente alang sa mga lumolupyo sa dapit nga usa usab sa mga destinasyon sa mga turista.
Gisusi ni Cebu Governor Gwendolyn Garcia ang bag-ong nangabot nga 500 KVA generators nga maka-supply og 2 megawatts sa isla.
Ang maong mga generator giabangan sa Kapitolyo sa usa ka pribado’ng supplier nga gilaumang makahatag og kahupay sa mga namuyo ilabi na sa mga turista ug nanginabuhi sa isla.
Gawas niini, gi-inspection usab ni Garcia ang nagpadayong road concreting project sa 3-kilometrong circumferential road sa isla nga magkonektar sa walo ka mga sitio sa Barangay Logon.
Lakip sa ningsalmot sa maong inspection sila si Madridejos Mayor Romeo Villaceran, Brgy. Logon Captain Lemuel Daño, Malapascua Business Association President Anna Reed, Lester John Jardinero gikan sa Power Source Philippines Inc., CEBECO II general manager Lowell Belciña, ug Benedict Mariscal nga nag representar sa Dynamic Power. / ANV