4 ka mga mananagat giluwas sa PCG

GILUWAS: Gisugat sa ilang pamilya ang upat ka mga mananagat nga giluwas sa Coast Guard District Southwestern Mindanao niadtong Huwebes, Disyembre 14, human natikyaob ang ilang gisakyang bangka. / Coast Guard District Southwestern Mindanao FB page
GILUWAS: Gisugat sa ilang pamilya ang upat ka mga mananagat nga giluwas sa Coast Guard District Southwestern Mindanao niadtong Huwebes, Disyembre 14, human natikyaob ang ilang gisakyang bangka. / Coast Guard District Southwestern Mindanao FB page

Giluwas sa Philippine Coast Guard (PCG) ang upat ka mga mananagat nga naglutaw-lutaw sa kadagatan duol sa usa ka isla nga baryo sa Zamboanga City, taho sa PCG kaniadtong Biyernes, Disyembre 15.

Ang Coast Guard District Southwestern Mindanao (CGDSWM) niingon nga ang mga mananagat naluwas sa ningrespondeng mga personahe sa Coast Guard Sub-Station (CGSS)-Sangali silangan sa Tumalutab, ning dakbayan niadtong Huwebes, Disyembre 14.

Wala gibutyag sa CGDSWM ang mga ngan sa upat ka mga mananagat nga na-rescue gawas lang sa pag-ingon nga silang tanan residente sa barangay Sangali, ning dakbayan.

Sa imbestigasyon nagpakita nga ang upat ka mga mananagat nanagat sa palibot sa Tumalutab Island dihang natikyaob ang ilang motorboat human gikuso-kuso sa dagkong mga balod tungod sa dili maayong kahimtang sa panahon.

Sa pagkadawat sa taho sa insidente, ang mga personahe sa CGSS-Sangali, nga luwan sa usa ka speedboat uban sa laing duha ka mga bangka nga de motor, nilusad og search and rescue ug luwas nga ningkuha sa upat ka mga mananagat.

Ang natikyaob nga motorboat ug ang mga mananagat gidala sa pantalan sa Sangali.

Ang na-rescue nga mga mananagat gitugyan ngadto sa ilang tagsa-tagsa ka pamilya ug luwas nga nakauli.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph