4 ka most wanted sa CV, nadakpan

4 ka most wanted sa CV, nadakpan
File photo

Upat ka mga most wanted person ang nadakpan sa Police Regional Office (PRO 7), apil niini ang top 7 wan­ted person sa Caraga Region sa Mindanao nga nag-atubang og kasong murder.

Ang Top 5 most wanted person nadakpan kini sa Laba­ngon Police Station sa dalan sa Katipunan human malutsi og warrant of arrest sa kaso sa illegal nga drugas.

Ang akusado giila nga si Step­hanie Miller alyas Panie, 34, nga taga Sitio Sto. Niño, Uno, Barangay Luz, dakbayan sa Sugbo.

Sa lungsod sa Loay, lalawi­gan sa Bohol, ang Top 7 most wanted ang nadakpan sa Biyernes, Pebrero 9, 2024, alas 10 sa buntag.

Ang Loay Municipal Police Station sa Bohol Police Provincial Office uban sa Criminal Investigation and Detection Group Bohol Provincial Field Unit mi serve sa warrant of arrest sa 34 anyos nga akusado sa carnapping.

Ang Regional Mobile Force Company (RMFC 7) uban sa 2nd Provincial Mobile Force sa Cebu Police Provincial Office (CCPO) inabagan sa kapulisan sa lalawigan sa Bohol ug Philippine Army mi serve sa warrant of arrest sa usa ka alyas “Jigger” nga dunay pending kasong murder sa Tagbilaran City.

Si Jigger, kanhi squad leader ubos sa Central Visayas Regional Party Committee, ug kasamta­ngang organizer sa Ki­lusang Magbubukid ng Pilipinas Hugpong Mag-uumang Bol-anon (KMP-Humabol ubos sa Bohol Party Committee sa Kilusang Rehiyon-Negros, Cebu, Bohol ug Siquijor (KR-NCBS).

Samtang, nakig-alayon ang kapulisan sa Central Visayas sa Dinagat Island Police Provincial Office pinaagi sa Police Regional Office Caraga Region subay sa pagka sikop sa ilang most wanted nga nabutang sa top 7, alas 11:20 sa buntag sa Pebrero 9, 2024 sa dakbayan sa Lapu-Lapu.

Milusad og hiniusang operas­yon ang mga sakop sa City Mobile Force Company sa Lapu-Lapu City Police Office uban sa Basili Municipal Police Station ug Dinagat Police Provincial Office aron dakpon ang usa ka tawo nga dunay pending warrant of arrest sa kasong murder nga giluwatan ang RTC 10th Judicial Region, Branch 52 sa San Jose, Surigao del Norte nga walay piyansa nga gitugot.

Matod ni Police Brigadier General Anthony Aberin hepe sa kapulisan sa Central Visayas nga ang pagkasikop sa labing pinangita sa gobiyerno resulta kini sa ilang gitawag nga intelligence-driven police operations inabagan sa laing ahensya sa gobiyerno.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph