Upat ka mga illegal swertres ushers ang nangadakpan sa managlahing anti-illegal gambling operations sa kapulisan sa probinsya sa Sugbo.
Unang nadakpan ang duha ka tawo nga nagpataya sa lungsod sa Sogod, amihanan sa Sugbo nga silang alyas Roger, 43, taga Sitio Bantolinao, Brgy. ug alyas Rolando. Nakuhaan sila og stub sheets nga dunay nasuwat nga number combinations sa nakapalit sa illegal swertres.
Nasikop usab sa Dalaguete Police Station, habagatan sa Sugbo ang usa ka 52 anyos nga lalaki sa Barangay Población.
Giila ang nadakpan nga si alyas Benedicto, taga Sitio Guiwanon, Barangay Población, Dalaguete.
Nasakmitan si Benedicto og mga gamit sa illegal swertres sama sa stub sheets, ball pen, ug uban pa lakip na ang kwarta nga pusta. Lakip sa nadakpan mao si alyas Daisy, 37, taga Brgy. Looc, lungsod sa Santander atol sa operasyon sa Santander Police Station.
Ang maong mga dinakpan gipasakaan og kaso nga kalapasan sa Republic Act 9287 kun Anti Illegal Gambling Act. / AYB