4 nangaangol sa aksidente

City of Naga (Google Maps)
City of Naga (Google Maps)

Upat ka mga tawo ang na­ngaangol human nadasma­gan ang usa ka pribadong sakyanan sa taxi nga nag­sunod niini sa N. Bacalso Ave. sa Brgy. North Poblacion, dakbayan sa Naga, habagatang Sugbo sa alas 2:50 sa kaadlawon sa Miyerkules, Disyembre 27, 2023.

Ang naangol mao ang magtiayon nga sakay sa Suzuki Jimny nga sila si Anilito Inso Dungog, 55, ug iyang asawa nga si Amalia, taga Barangay Gun-ob, siyudad sa Lapu-Lapu.

Lakip sa naangol mao ang drayber sa taxi nga si Bernardino Libradilla, 55, minyo, taga Ta­­buk, siyudad sa Mandaue, ug pa­­sahero nga Korean national nga si Yoom Sumgmin, 24. Dili gra­­be ang naangkong kadaut sa tulo apan ang Koreana naospital.

Sa imbestigasyon sa kapu­lisan sa siyudad sa Naga ubos sa kamandoan sa ilang hepe nga si Police Lt. Col. William Humoc, ang duha ka mga sakyanan pareho og direksyon nga padulong sa habagatan.

Matod pa nga nag-una ang Suzuki Jimny ug nagsunod ang taxi. Apan si Dungog giingong kalit nga nipaliko aron magpatubil sa usa ka gasoline station hinungdan nabanggaan sa nag­sunod nga taxi.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph