41% sa proyekto bahin sa baha, natapos na

GISUSI: Si Mandaue Lone District Representative Emmarie “Lolypop” Ouano-Dizon (ikaduha gikan sa wala) nisusi sa mga proyekto bahin sa pagpaminos sa problema sa baha sa dakbayan sa Mandaue.
GISUSI: Si Mandaue Lone District Representative Emmarie “Lolypop” Ouano-Dizon (ikaduha gikan sa wala) nisusi sa mga proyekto bahin sa pagpaminos sa problema sa baha sa dakbayan sa Mandaue. TAMPO

Mokabat sa 41% sa flood mi­tigation projects sa mga lu­gar nga daling bahaan sa dak­bayan sa Mandaue nahuman na sa 2023.

Kini ang gipahibalo sa media ni Mandaue Lone District Representative Emmarie “Lo­lypop” Ouano-Dizon base sa iyang nadawat nga taho gikan sa Department of Public Works and Highways (DPWH) Centrl Visayas.

GISUSI: Si Mandaue Lone District Representative Emmarie “Lolypop” Ouano-Dizon (ikaduha gikan sa wala) nisusi sa mga proyekto bahin sa pagpaminos sa problema sa baha sa dakbayan sa Mandaue.
GISUSI: Si Mandaue Lone District Representative Emmarie “Lolypop” Ouano-Dizon (ikaduha gikan sa wala) nisusi sa mga proyekto bahin sa pagpaminos sa problema sa baha sa dakbayan sa Mandaue. TAMPO

Ang mga proyekto nakatutok sa pagbutang og steel sheets sa mga drainage facility sa nagkalainlaing bahin sa Butuanon River, partikular sa Barangay Alang-alang, Maguikay, Tabok, ug Paknaan.

Dugang pa, ang pipila ka mga flood control projects sa mga sapa sa Barangay Basak ug Jagobiao nalakip usab sa maong proyekto.

Matod ni Ouano-Dizon nga plano sa DPWH nga mahuman na ang pagpatuman sa maong mga proyekto sa katapusan ning tuiga.

Kinatibuk-ang P1.3 bilyunes ang gigahin alang sa proyekto human sa pag-aprobar ug pagpirma sa 2023 General Appropriations Act sa miaging tuig.

Apan, si Ouano-Dizon niingon nga ang budget giusbawan ngadto sa P1.9 bilyunes aron maapil pa ang drainage master plan initiative sa Dakbayan nga gitumong sa pagsulbad sa nagbalikbalik nga problema sa baha sa dakbayan sa Mandaue.

Dugang pa, iyang gipahibalo nga dugang P1.9 bilyunes nga budget ang giaprobahan alang sa mga bag-ong flood mitigation projects sa Mandaue sa pagpagawas sa 2024 General Appropriations Act.

Kini nga mga proyekto magtu­tok sa pagbutang og mga sheet piles nga adunay stone ma­sonry ug ipatuman usab sa DPWH.

Ang nag-unang tumong mao ang pagsulbad sa mga problema sa baha sa mga dapit sa daplin sa Dalan AC Cortes ug AS Fortuna diin daghang mga pasahero ug mga residente ang nangaapektuhan sa bag-ong mga baha.

Gihisgutan ni Ouano-Dizon ang insidente sa usa ka bahin sa Sto. Niño Village sa Mandaue City, diin ang mga residente nangangkon nga nakasinati og taga liog nga tubig baha tungod sa pagkahugno sa sementado’ng koral sa duol nga fishpond ug sa pag-awas sa Butuanon River niadtong Septiyembre sa miaging tuig.

Ang nahabilin nga mga bahin sa Butuanon River makadawat og P1.082 bilyunes alang sa pagbaha. Lahi nga budget nga P160 milyunes usab ang igahin alang sa flood control projects sa Sitio Orel ug Sto. Niño Village.

Dugang pa, ang pundo gamiton sa pagpaayo sa Subangdaku River ug Mahiga Creek sa P250 milyunes, Tingub Creek sa P50 milyunes, Basak Creek sa dugang P150 milyunes, ug Tipolo River sa P70 milyunes.

Gawas sa pagbaha, si Ouano-Dizon niingon nga ubang proyekto sama sa Marcelo Fernan bridge retrofitting ug rehabilitation nga mokabat sa P180 milyunes, water pump stations sa Barangay Casili, Ibabao, Tingub, ug Maguikay nga adunay kinatibuk-ang P48 milyunes, ug multi-purpose buildings ug uban pa, gikatakdang ipatuman karong tuiga.

Matod ni Ouano-Dizon nga iyang gipahibawo si Mandaue City Mayor Jonas Cortes sa mga proyekto alang sa DPWH aron makig-alayon sa City Government ug mga barangay nga na­ngalambigit pinaagi sa usa ka sulat sa paningkamot nga ma­solusyunan ang problema. /

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph