Patay ang usa ka 42 anyos nga lalaki sa dihang gidunggab sa iya ra sab nga silingan.
Ang maong insidente nahitabo niadtong Biyernes sa pasado alas 6 sa gabii, Agusto 23, 2024 sa Sitio Upper Tabucanal, Poblacion Pardo, Dakbayan sa Sugbo.
Ang biktima giila nga si Aujero Baclayon, nagpuyo ra usab sa maong dapit, nakaangkon og mga samad dinunggaban sa nagkadaiyang bahin sa iyang lawas nga hinungdan sa iyang hinanaling kamatayon.
Gitumbok nga responsable sa iyang kamatayon mao si Patrick John Banzon, hingkod, silingan ra usab sa biktima nga nadakpan ra usab dayon sa gihimong follow-up operation sa Inayawan Police Station.
Giingong nagdumot ang duruha sa ilang daan nga away nga misangpot sa pagpapanunggab.
Gisusi sa kapulisan og unsay nahitabong bangi sa duruha nga miresulta sa pagpatay sa maong biktima. / AYB