42 anyos nga lalaki nabanggaan, patay

NABANGGAAN. Kini ang 42 anyos nga ulitawo nga nabanggaan-patay sa usa ka awto sa national highway sa Sitio Baha Baha, Barangay Tulic, lungsod sa Argao, alas 7:40 sa gabii, Sabado, Marso 9, 2024.
NABANGGAAN. Kini ang 42 anyos nga ulitawo nga nabanggaan-patay sa usa ka awto sa national highway sa Sitio Baha Baha, Barangay Tulic, lungsod sa Argao, alas 7:40 sa gabii, Sabado, Marso 9, 2024.Hulagway kuha ni Aki Benedict Mamac-Gascon

Patay na nga nalandig sa Bogo Argao District Hospital ang usa ka 42 anyos nga ulitawo nga nabanggaan sa usa ka rent-a-car nga awto sa national highway sa Sitio Baha Baha, Barangay Tulic, lungsod sa Argao, alas 7:40 sa gabii sa Sabado, Marso 9, 2024.

Ang biktima giila nga si Richie Paul Flores, molupyo sa naasoy nga dapit, samtang ang drayber sa awto nailhan nga si Neil Siglos Pascual, 53, taga Brgy. Maguikay, siyudad sa Mandaue.

Nasayran sa Supebalita Cebu sa imbestigasyon sa kapulisan sa Argao ubos sa kamanduan sa ilang hepe nga si Police Maj. Ivy Martin Bartolome, nasuta nga ang biktima naglakaw sa dan uban sa iyang mga amigo.

Apan kalit lang nabanggaan ug sa kakusog sa pagkabangga, ang biktima nalagpot ug nakabaton og samad sa ulo.

Gidali sa pagtabang sa mga sakop sa Argao Municipal Risk Reduction Management Office (MDRRMO) ug gidala sa tambalanan apan gideklarar nga sa mga doktor nga dead on arrival (DOA).

Si Pascual gikustodiya sa kapulisan sa Argao ug nagpaabot nga pasakaan og kasong reckless imprudence resulting to homicide. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph