Nagtingkagol sa bilanggoan sa Naga Police Station ang usa ka dalaga nga giila nga high value individual (HVI) human nasikop sa buy-bust sa Barangay Langtad, Naga City, alas 3:52 sa hapon, Martes, Enero 9, 2024.
Ang suspek giila nga si Emelda Alinsonorin, alyas Emyat, 44, taga Barangay Bairan sa maong dakbayan.
Ang malampusong operasyon gilusad sa City Intelligence Police sa Naga ubos sa kamandoan sa ilang hepe nga si Police Lt. Col. William Homoc ug dunay koordinasyon sa Philippine Drug Enforcement Agency (PDEA 7).
Ang kapulisan nakadawat og impormasyon gikan sa concerned citizen bahin sa ilegal nga negusyo sa suspek.
Dihang nasuta nga positibo, ilang gilusad ang buy-bust.
Ang poseur buyer sa kapuĀlisan nigamit og P300 nga marked money bugti sa usa ka gamay nga pakete sa shabu.
Sa dihang nadakpan ang suspek, nasakmitan pa og laing tulo ka pakite sa shabu nga ang tanan motimbang og 3.05 grams nga adunay standard drug price nga P23,800.