Sulod lang sa 24 oras ang Police Regional Office (PRO-7) nakasikop og 49 ka mga wanted persons lakip na niini ang 13 ka indibidwal nga giila nga mga most wanted atol sa gilusad nga manhunt operation sa tibuok Central Visayas.
Tungod niini ang pangulo sa PRO 7 nga si Police Brigadier General Redrico Maranan mibutyag nga ang malampuson nga manhunt operation nagpasabot kini sa ka epektibo sa pagpalambo sa ilang intelligence operations ug ang padayon nga koordinasyon sa matag police unit ug walay hunong nga suporta sa katawhan.
Gipasabot ni Maranan nga mapakyas ang mga tinugyanan sa balaod kun dili manginlabot ang komunidad sa paghatag sa mga impormasyon.
Gikan Hunyo 27-28, 2025 ang tanang unit sa PRO 7 milusad og dungan nga operations diin ang ilang target mao kadtong mga indibidwal nga dunay mga pending warrant of arrest sa lain-laing mga kaso. / AYB