5 ka tawo nasikop sa drug den gikiha

DRUG DEN: Giimbentaryo sa Philippine Drug Enforcement Agency (PDEA 7) ang mga ebidensya nga ilang nasakmit sa pagronda sa usa ka drug den sa Brgy. Basak San Nicolas. / TAMPO SA PDEA 7
DRUG DEN: Giimbentaryo sa Philippine Drug Enforcement Agency (PDEA 7) ang mga ebidensya nga ilang nasakmit sa pagronda sa usa ka drug den sa Brgy. Basak San Nicolas. / TAMPO SA PDEA 7

Lima ka mga tawo nga nadakpan sa Philippine Drug Enfocement Agency (PDEA 7) sulod sa usa ka drug den, lakip na ang nagpadagan niini, gipasakaan na og kaso sa korte.

Niadtong Huwebes Pebrero 15, 2024 sa alas 6:15 sa gabii, ang team sa PDEA-7 inabagan sa Mambaling Police Station ningronda sa usa ka drug den nga nahimutang sa Maya Street, Barangay Basak San Nicolas, Dakbayan sa Sugbo. Lima ka mga tawo ang nasikop, lakip na ang giingong drug den maintainer.

Ang target sa operation mao si Jonathan Sollo, 41, nga nagpuyo ra usab sa maong lugar.

Siya nakaangkon og mga garas ug bun-og sa lawas sa dihang nisuway sa pag-ikyas.

Lakip sa mga nadakpan ang pag umangkon sa drug den maintainer nga si John Rey Sollo, 25; Noel Radaza, 40; Vingie Tapere, 45, usa ka PUJ driver; ug Archie Mabaso, 43.

Nasakmit gikan sa mga suspek ang upat ka mga pakete sa gituohang shabu nga dunay gibug-aton nga 15 gramos nga dunay estimated average market value nga P102,000, lakip na ang buy bust money.

Matod ni Leia Alcantara, information officer sa PDEA-7, nga nakadawat ang ilang buhatan og report labot sa pagpadagan sa drug den sa maong dapit.

Gipaubos nila kini sa tulo ka semana nga case build up ug dinhi nasuta nga makabaligya si Sollo og 20 gramos nga shabu matag semana.

Nadakpan na kaniadto si Sollo sa kapulisan sa Disyembre 2021 apan nakapiyansa hinungdan nga temporaryo siya nga gawasnon.

Kalapasan sa sections 5, 6, 7, 11, ug 12, Article II sa Republic Act RA 9165 kun Comprehensive Dangerous Drugs Act of 2002 ang gipasaka sa PDEA-7 niadtong Biyernes Pebrero 16, 2024.

KATAPUSAN

Samtang namaligya og ilegal nga drugas way swerte kay nadakpan human nga ang katapusan niya nga kustomer usa diay ka polis nga nadestino sa Parian Police Station sa Cebu City Police Office ala 1:30 sa Sabado sa kaadlawon, Pebrero 17, 2024.

Ang suspek gialyasan lang sa Parian police og Amil, hingkod, taga Sitio Samayo, Barangay Lorega San Miguel, Dakbayan sa Sugbo.

Napalit sa polis gikan kaniya ang duha ka mga pakete sa gituohang shabu ug laing upat ka putos sa iyang bulsa nga nakuha atol sa pagrekisa nga ang tanan motimbang og 10 gramos nga dunay standard drug price nga P68,000.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph