5 na ang patay sa sunog; tag-iya milapas sa lagda

5 na ang patay sa sunog; tag-iya milapas sa lagda
SunStar Local News GPX

Adunay napakita nga permit gikan sa Kagamhanan sa Dakbayan sa Lapu-Lapu ang tag-iya sa pabrika sa mga pabuto nga miulbo sa Lunes sa hapon nga mikalas sa kinabuhi sa lima ka mga tawo, apil na ang tag-iya niini ug usa ka bata nga namatay sulod sa ospital.

Gani miyembro sa Rambolet Pyro Corporation si Chito Berdin sigun sa presidente sa maong korporasyon apan gipahimangnoan kini nga dili magbuhat og pabuto sa ilang balay.

Sigun ni Police Major Vernido Villamor Jr., hepe sa Firearms and Explosives Section sa Civil Security Unit, nga gi-warningan na si Berdin tungod kay wala kini mosunod sa mga lagda sa pagbuhat sa mga pabuto.

Adunay designated area nga giaprubahan sa CSU 7 diin didto sila mamahimong magbuhat og pabuto apan wala matod pa mopatuo si Berdin.

Nagpadayon kini didto sa iyang balay sa paghimo sa mga fireworks.

Tungod niini, subling mo-inspection ang Police Regional Office 7 sa mga himoanan og pabuto sa Barangay Babag sa dakbayan sa Lapu-Lapu aron masiguro ang kahimtang ug siguridad sa mga manghimoay.

Nitay-og sa Barangay Babag 2 ang pagbuto sa usa ka matang sa pyrotechnics nga posibleng hinungdan sa pag-ulbo sa sunog sa Purok Judas Belt niadtong Lunes, Disyembre 11, 2023, diin upat ang kompirmadong nangamatay diha-diha, lakip na si Chito, ug niangol sa unom ka mga tawo.

Base live report sa sibyaanang dyHP nga usa sa mga angol nga bata namatay tungod sa grabeng mga paso nga naangkon niini.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph