50 entries ang magbinugsayay sa Balik Baroto Regatta 2024

 BAROTO: Nagpahulagway ang mga nagpasiugda sa Balik Baroto Regatta 2024 nga gipangulohan ni Kuya David “Boy” Odilao Jr. (Nag-shades) human sa press conference sa Balik Baroto Regatta 2024. Ang kompetisyon ipahigayon ugma, Sabado, Enero 20, sa SRP. /
BAROTO: Nagpahulagway ang mga nagpasiugda sa Balik Baroto Regatta 2024 nga gipangulohan ni Kuya David “Boy” Odilao Jr. (Nag-shades) human sa press conference sa Balik Baroto Regatta 2024. Ang kompetisyon ipahigayon ugma, Sabado, Enero 20, sa SRP. / Erwin S. Lirazan

Dul-an sa 50 ka mga entrante ang kompirmadong magbinugsayay sa Balik Baroto Regatta nga ipahigayon ugma, Sabado, Enero 20, 2024, alas 6:00 sa buntag, sa Il Corso sa South Road Poperties.

Mao kini ang gibutyag sa utok sa pagkahulma ning maong kompetisyon nga si Kuya David “Boy” Odilao Jr. sa usa ka press conference sa usa ka kan-anan sa Robinsons Galleria kagahapon, Enero 18, 2024.

“Sa pagkakaron, 48 na ang confirmed nga mangapil,” matod ni Odilao, kinsa niklaro nga puwede pa kining mapun-an.

Ang mga partisipante ning maong kompetisyon gikinahanglang usa ka tiunay nga mananagat.

“Giseguro gyud namo nga wa’y makaapil nga dili fisherman,” pagtino ni Odilao.

Ang kampyon sa torneyo makadawat og P100,000, makaluklok og P75,000 ang 2nd placer, P50,000 sa 3rd placer, P30,000 sa 4th placer, P20,000 sa 5th placer.

Ang 6th ngadto sa 10th placers makabulsa og P10,000 matag usa samtang ang tanang finishers makabaton og P5,000 kada usa.

Sa showcase event, ang kampyon adunay P50,000, makakuha og P40,000 ang 2nd placer, P30,000 sa 3rd placer, P20,000 sa 4th placer ug P10,000 sa 5th placer.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph