514 nasikop sulod 1 ka semana sa CV

P/Lt. Col. Gerard Ace Pelare.
P/Lt. Col. Gerard Ace Pelare.

Nikabat sa 514 ka mga suspek sa nagkalainlaing kaso nadakpan sa Police Regional Office (PRO 7) sulod sa usa ka semana nga anti-criminality operations nga nagsugod sa Abril 28, 2024 hangtod sa Mayo 4, 2024.

Sa data nga gipahibawo ni Police Lieutenant Colonel Gerard Ace Pelare, spokesperson ni Police Brigadier General Anthony Aberin, hepe sa PRO 7, nga sa mao nga gidaghanon sa nadakpan sa Central Visayas (CV), 176 nalambigit sa ilegal nga drugas nga niresulta sa pagkasakmit sa P18.6 milyunes nga balor sa illegal drugs.

Sa ilegal nga sugal, sila nakasikop og 323 ka mga sugarol nga nalambigit sa nagkalainlaing matang sa sugal.

Sa kampanya sa paggukod sa loose firearms nga maoy gitinguha karon sa PRO 7 nga makuha ang way lisensya nga mga armas subay sa nagsingabot nga midterm elections sa sunod tuig, ang kapulisan nakasakmit og 113 ka mga armas ug 15 ka mga suspek ang nadakpan.

Nipasabot si Pelare nga walay hunong ang ilang pagpatawag sa naghupot og armas nga wala maka renew sa ilang lisensya nga moproseso na sa ilang mga papel.

Gani niawhag sila nga samtang wala pa sila maka renew, labing maayo nga ideposito lang una sa police stations kay basin ma subject na hinuon sila sa operations.

Ang sunodsunod nga anti-criminality operations kabahin kini sa ilang tumong nga magpabiling luwas ug malinawon ang Central Visayas. /AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph