5K ka tawo misaksi sa Kadaugan sa Mactan

5K ka tawo misaksi sa Kadaugan sa Mactan
PASUNDAYAG: Liboan ka tawo ang misaksi sa ika-504 nga reenactment sa Kadaugan sa Mactan Liberty Shrine sa Dakbayan sa Lapu-Lapu, sa Dominggo, Abril 27, 2025. /Hulagway ni Juan Carlo de Vela
Published on

Gibanabana’ng 5 mil ka mga tawo ang ningsaksi sa ika-504 nga reenactment sa Kadaugan sa Mactan sa Dakbayan sa Lapu-Lapu, sa Dominggo, Abril 27, 2025.

Sa interbyu ni Mayor Junard "Ahong" Chan atol sa maong pasundayag, kini nagkanayon nga karong tuiga ang labing daghan nga mga tawo nga mitambong.

"Ang Kadaugan sa Mactan maoy simbolo sa pagsukol sa mga Pilipino batok sa gahum sa dominasyon. Ang atong paghandum sa Mactan nagpalambo sa pagbati sa kultura, garbo, ug pagkatawo sa atong mga Pilipino, ug kini usab nagpasidungog sa mga lumad nga lider sama ni Lapulapu," matod ni Chan.

Usa sa pinasidunggang dinapit nga si Department of Budget and Management Secretary Amenah Pangandaman mihatag og gibug-aton sa kamahinungdanon sa pagpamuhunan sa edukasyon, imprastraktura, ug pag-atiman sa panglawas aron sa pagduso sa kalamboan sa nasud.

Sa pagpamalandong sa makasaysayanong Kadaugan sa Mactan niadtong 1521, iyang gipahinumdoman ang mga dumoduong nga ang seguridad nga gihulma sa mga bayani nga Pilipino dili lang kutob sa nangagi kondili moabot usab sa karon ug sa umaabot nga henerasyon.

Dugang sa kalihim nga gawas sa mga hulga gikan sa gawas sa nasod, giawhag niya ang katawhan nga kinahanglan usab nga panalipdan ang kagawasan gikan sa internal nga pagkabahinbahin tungod sa "pagpanglimbong ug sayop nga impormasyon."

“The anniversary of the Victory of Mactan is more than a cause of celebration, it is special time for reflection on our shared identity. For us, it serves as a source of pride and inspiration knowing that on this land over 504 years ago Filipinos stood up against oppression and foreign rule,” sumala ni Pangandaman.

Gawas kang Pangandaman, nitambong usab sila si Alvin Alcid, Deputy Executive Director for Programs and Projects sa National Historical Commission of the Philippines, Naval Forces Central Commander Joselito de Guzman ug Lapu-Lapu City Lone District Representative Cynthia “Cindi” King-Chan.

Ang maong kalihokan gilangkuban sa usa ka wreath-laying nga seremonyas sa monumento ni Lapu-Lapu nga gipangulohan ni Pangandaman.

Si Tourism officer Garry Lao, sa buwag nga pakighinabi, nipaambit nga ang city government nigahin og P12.4 milyones alang sa ika-504 nga Kadaugan sa kapistahan sa Mactan, nga nagsugod niadtong Abril 4.

Tungod kay mao pa kini ang una niyang higayon nga nag-organisar sa Kadaugan sa Mactan, daghang mga hagit ang iyang giatubang sama sa limitadong oras sa ensayo, apan nilahutay ug nabuntog niya kini.

Gihatagan usab niya og gibug-aton nga ang mga cast sa maong pasundayag sama ni Shaun Pelayo isip Datu Lapulapu, content creator nga si Crissa Liaging isip Reyna Bulakna, ug ang Belgian model nga si Kevin Lahousse nga midala sa papel ni Ferdinand Magellan.

“We promised that we will offer something fresh and new to the Oponganons…We offered something new to our production to the Kadaugan sa Mactan,” mapasalamatong pulong ni Lao.

Human sa reenactment sa Battle of Mactan, gisugdan ang Sadsad sa Kadaugan 2025 nga gisalmotan sa tanang 30 ka barangay sa dakbayan, apil na ang Olango Island./ DPC

Trending

No stories found.

Just in

No stories found.

Branded Content

No stories found.

Videos

No stories found.
SunStar Publishing Inc.
www.sunstar.com.ph