Unom ka mga balay sa Purok 4, Brgy. Pungtod, Oslob, habagatang Sugbo nangasunog alas 4:25 sa hapon sa Lunes, Marso 25, 2024.
Sa interbyo sa Supebalita Cebu kang SF01 Pitz John R. Romeo, fire investigator sa Oslob Bureau of Fire Protection (BFP) ug ground commander nga si SF03 Manolit S. Villarta, nasayran nga ang sunog nagsugod sa kusina sa balay ni Perpetua Romera ug nikaylap sa mga balay nila ni Efipanio Berco, Patricia Sumucad ug Arnulfa Rollon. Ang upat ka mga balay nangaugdaw.
Mga balay nila ni Samuel Figueroa ug Calixta Romares nakan-an sa kayo. Ang sunog giisa sa 2nd alarm. Na under control ang sunog mga alas 5:10 sa hapon ug hingpit nga napawong mga 10 minutos ang nakalabay.
Nagbilin kini og danyos nga P513,000 samtang gisusi pa ang hinungdan. / DVG, hulagway gikan sa Oslob BFP