6 ka ushers sa illegal numbers game, nasikop

6 ka ushers sa illegal numbers game, nasikop
NADAKPAN: Usa kini sa mga usher sa illegal numbers game nga nasikop sa mga sakop sa Cebu Provincial Police Offce (CPPO). / TAMPO

Unom ka illegal swertres ushers nadakpan sa managlahing anti-illegal gam­bling operations sa lalawigan sa Sugbo.

Upat niini nasikop sa kapulisan sa Dakbayan sa Carcar, usa sa Carmen ug usa usab sa lungsod sa Dalaguete, habagatang Sugbo.

Ang mga nadakpan sa Siyudad sa Carcar mao silang alyas Flor, 33, taga Población 3; alyas Angel, 54, taga Valladolid; alyas Myrna, 54, taga Sitio Kaawa, Barangay Perrelos; ug alyas Jeffrey, taga Barangay Guadalupe.

Nasikop usab si alyas Niño, 23, taga Dawis Sur sa lungsod sa Carmen ug Alyas Chrisa Mae, 33, taga Casay, lungsod sa Dalaguete.

Nakuha gikan kanila ang mga illegal gambling paraphernalia sama sa stub nga dunay carbon paper, kwarta nga pusta, ballpen ug uban pa. Kasong kalapasan sa Republic Act 9287 ang gipasaka batok sa mga suspek.

Ang kapulisan nagpadayon sa ilang subsob nga operasyon batok sa illegal numbers game tungod sa reklamo sa Philippine Charity Sweepstakes Office (PCSO). / AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph