Unom sa pito nga nangamatay human nangaanod sa baha sa spill way sakay sa SUV pick up sa Sityo Mangitngit, Brgy. Lower Matimao-an, lungsod sa Carmen niadtong Lunes sa hapon, Hunyo 8, gipanglubong na sa Huwebes, Hulyo 11, 2024.
Usa ka requiem mass gipahigayon sa Our Lady of Mt. Carmel Parish Church sa wa pa gipanghatod sa sam-ang sa lungsod.
Ang gipanglubong na mao sila si Anshane Bejoc, 11; Rhesamie Ypil Costan, 26; Elmer Costan, 25, nga bana ni Rhesamie; Nathaniel Lozano, 12; Aishe Hermoso, 12; ug Clarisse Ypil. 13.
Samtang, padayong gihaya atol ning pagsuwat mao si Mike Stanley Tungal, 15 ,
Ang nahisgutang mga biktiman pulos taga Barangay Cantucong, Carmen.
Duha sa mga biktima nga sila si Rhesamie nga mabdos ug Elmer Costan, bag-o lang gikasal niadtong Sabado, Hulyo 6.
Sila gikan nangaligo sa usa ka mountain resort ug sa dihang nipauli na, naanod sa spill way sa sapa nga nagbaha ang ilang gisakyan nga pick-up truck taliwa sa pagbunok sa uwan sa Sugbo.
Sa 17 nga sakay, 10 ang naluwas kay nakakatkat sa bato hinungdan nga wa naapil sa pagkaanod.
Ang mga biktima nga nangamatay nakaplagan sagad sa kadagatan sa amihanan sa Sugbo, usa sa mga patay sa isla na sa Camotes gani nabangalan. / DVG