Gipaabot nga mokabat sa 600 ka mga tawo nga dunay problema sa mata ang makapahimulos sa umaabot nga medical mission alang sa Eye Cataract and Pterygium Operation nga ipahigayon sa San Fernando Rey Parish, Liloan, Cebu.
Ang screening sa mga pasyente pagahimuon karong alas 9:00 sa buntag, Hunyo 10, 2025, sa San Fernando Rey Parish sa Liloan.
Dunay gamay nga pagabayran ang matag pasyente nga P3,500 alang sa lente ug mga medisina.
Ang mga pasyente nga nagtumar og blood thinners ug ubang mga tambal giawhag sa pagkonsulta sa ilang mga doktor usa ka semana sa dili pa ang operasyon.
Giawhag ang tanan sa pagsayo sa screening aron malakip sa gitaganan nga 600 ka slots ug pagdala sa inyong tubig nga mainom.
Mao kini ang ika 40 na nga medical mission sa pundok sa mga concerned citizens nga nihangyo nga dili lang magpaila. / PR