62 anyos nanginhas, nalumos

62 anyos nanginhas, nalumos
(Google maps)

Usa ka 62 anyos nga biyudo nalumos samtang nanginhas sa dapit sa pier sa Barangay Suba, lungsod sa Bantayan, isla sa Bantayan, amihanang Sugbo, alas 4:00 sa buntag sa Huwebes, Hulyo 4, 2024.

Si Virgilio Sevileno Garcia, taga Purol 2C, Brgy. Ticad, Bantayan, patay na nga nidangat sa tambalanan sa lungsod.

Matod ni Police Lt. Col. Leo Ty, hepe sa Bantayan Police Station nga nahinabi sa Superbalita Cebu, nga gipahibalo sila sa hitabo sa alas 7 na sa buntag sa Huwebes, Hulyo 4, 2024.

Sumala pa nga ang biktima nag-inusara’ng nanginhas sa dakong hunasan ug hayan wala nakabantay nga nagtaub na ang dagat.

Gumikan kay layo pa ang daplin, wala makaabot sa baybayon, nalumos.

Ang mga duty nga rescue personnel maoy nidala sa biktima sa Bantayan District Hospital apan siya gideklarar nga dead on arrival (DOA). / GPL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph