62 ka drug personalities sa CV nasikop sa PRO 7

62 ka drug personalities sa CV nasikop sa PRO 7
Central VisayasIllustration by Yans Baroy
Published on

Sulod sa usa ka adlaw, nakasikop ang Police Regional Office (PRO) 7 og 62 ka drug personalities ug nakasakmit sa dul-an duha ka milyon ka pesos nga balor sa ilegal nga drugas atol sa intelligence-driven operation niadtong Marso 18, 2025, sa tibuok Central Visayas (CV).

Ang mga nadakpan naa sa kustodiya sa nagkalainlaing custodial facilities sa mga police unit.

Sa datos sa PRO 7, nakasakmit ang kapulisan og 273.36 gramos sa gituohang shabu nga mobalor ang tanan sa P1,858,848 lakip na ang mga drug paraphernalia nga giduso na sa PNP Forensic Unit alang sa himuon nga chemical analysis.

Si Police Brigadier General Redrico Maranan, hepe sa kapulisan sa Central Visayas nagkanayon nga ang pagkasikop sa maong mga drug personality ug pagkasakmit sa gidaghanon sa ilegal nga drugas timailhan sa ilang seryuso nga pagpuhag sa illegal substance sa tibuok rehiyon.

"Our commitment to a drug-free region remains stronger than ever. The PNP will continue to take decisive action against illegal drugs and bring those involved to justice. These recent arrests and drug seizures are a testament to our relentless efforts in safeguarding our communities and ensuring a safer future for all,” matod ni Maranan.

Nipasalig si Maranan sa publiko nga ang ilang pakigbatok sa ilegal nga drugas magpadayon uban sa mga law enforcement agencies nga hugot nga nakig-alayon sa komunidad ug sa mga local government unit (LGUs) aron mapalig-on ang ilang kampanya sa anti-illegal drugs sa rehiyon. /AYB

Trending

No stories found.

Just in

No stories found.

Branded Content

No stories found.

Videos

No stories found.
SunStar Publishing Inc.
www.sunstar.com.ph