Usa ka senior citizen nakuhaan og armas, napusasan atol sa ronda sa iyang balay sa Barangay Duljo Fatima, dakbayan sa Sugbo, alas 12:36 sa kaadlawon sa Lunes, Marso 11, 2024.
Ang suspek mao si Junas Pagusara, 63, nagpuyo sa nahisgutang lugar.
Nangulo sa operasyon mao si Police Major Jonathan Taneo, hepe sa Mambaling Police Station, pinasikad sa search warrant nga giisyo ni Executive Judge Anaceto Debalucos sa Branch 17 sa Regional Trial Court (RTC 7), dakbayan sa Sugbo.
Nakuha gikan sa suspek ang usa ka .38 caliber revoler ug duha ka mga bala. Ang suspek niangkong iyaha ang armas.
Sa nakuhang impormasyon sa kapulisan, si Pagusara maoy tighipos sa mga armas nga gamiton sa mga hitman.
Apan ang maong alegasyon gihimakak ni Pagusara. / GPL