64 ka pakite sa shabu, armas nasakmit sa HVI sa Dalaguete

■ PINAKITENG SHABU: Ang 64 ka mga pakite sa shabu nasakmit sa  buy-bust sa kapulisan sa  lungsod sa Dalaguete, alas  7:00 sa gabii,  Huwebes, Disyembre 21, 2023, sa Barangay Obong. / TAMPO
■ PINAKITENG SHABU: Ang 64 ka mga pakite sa shabu nasakmit sa buy-bust sa kapulisan sa lungsod sa Dalaguete, alas 7:00 sa gabii, Huwebes, Disyembre 21, 2023, sa Barangay Obong. / TAMPO

Usa ka giilang high value individual (HVI) sa municipal level nga drug pusher nadakpan sa buy-bust sa Municipal Drug Enforcement Unit Intelligence Police sa lungsod sa Dalaguete nga gipangulohan sa ilang hepe nga si Police Maj. Clemente Ceralde Jr., alas 7 sa gabii sa Huwebes, Disyembre 21, 2023, sa Barangay Obong.

Ang suspek giila nga si Peter Selwyn Dueñas, alyas Balong, 31, taga Sitio Labangon, Barangay Poblacion, Dalaguete.

Matod pa, ang suspek, sa dihang na-validate sa kapulisan ang impormasyon bahin sa iyang kalihukan, gilusad dayon ang buy-bust.

Ang posuer buyer nigamit og P500 nga marked money bugti sa usa ka gamay nga pakite sa shabu.

Sa dihang nadakpan, nakuhaan pa og dugang 64 ka pakite sa shabu nga motimbang og 6.5 gramos nga may standard drug price nga P42,500.

Gawas sa shabu, nakom­piskar usab ang usa ka .45 kalibre nga pistola nga fully loaded sa bala ug usa ka motorsiklo.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph