65 anyos nga lola nasikop sa buy-bust

65 anyos nga lola nasikop sa buy-bust
SunStar Local News GPX

Nagtingkagol sa bilanggoan sa Mandaue Police Station 3 ang usa ka 65 anyos nga lola nga suspetsadong drug pusher nga nadakpan sa buy-bust sa mga sakop sa Station Drugs Enforcement Unit sa Zone Ahos, Brgy. Paknaan, siyudad sa Mandaue, alas 12 sa tungang gabii sa Lunes, Enero 8, 2024.

Ang suspek giila nga si Marilyn Batiller, alyas Inday, minyo, taga Zone 3, Brgy. Mantuyong, Mandaue city.

Sa dugang pakisusi nasayran nga ang kapulisan sa Mandaue Station 3 nakakuha og impormasyon nga si Batiller namaligya og shabu hinungdan nga gipanid-an.

Positibo kini hinungdan nga gilusad ang buy-bust ubos sa kamandoan sa ilang station chief nga si Police Maj. Jade Sumugat.

Ang puseur buyer nigamit og P300 nga marked money sa pagpalit og shabu sa suspek bugti sa usa ka gamay nga pakite sa shabu.

Sa dihang gidawat sa suspek ang kuwarta ug gitunol ang usa ka gamay nga pakite sa shabu, gidakop dayon kini.

Nasakmitan pa siya og laing 12 ka gagmay nga mga pakite sa shabu nga motimbang og 1.15 gramos nga may standard drug price nga P7, 820.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph