Duol sa 6,000 ka mga trabahante sa TUPAD gikan sa nagkalainlaing bahin sa Central Visayas ang nakadawat sa ilang sweldo nga nagkantidad og P28,778,348 atol sa “Handog ng Pangulo, Serbisyong Sapat Para sa Lahat.”
Ang Handog ng Pangulo usa ka programa sa tibuok gobyerno nga naghatag og tabang sa mas daghan nga mga benepisyaryo samtang nagsaulog si Presidente Ferdinand Romualdez Marcos Jr. sa iyang adlawng natawhan niadtong Septiyembre 13.
Ang Department of Labor and Employment (DOLE) 7 nipahigayon usab sa pagbayad sa sweldo sa Tulong Panghanapbuhay sa Ating Disadvantaged/ Displaced Workers (TUPAD) sa unom (6) ka nagkalainlaing mga lugar sa Probinsya sa Sugbo; Tri-Cities; Negros Oriental, Siquijor, ug Bohol.
Mga 1,000 ka mga trabahante sa TUPAD gikan sa lainlaing mga munisipalidad sa Probinsya sa Sugbo ang nakadawat sa ilang sweldo nga nagkantidad og kapin P5 milyon.
Sa Dakbayan sa Mandaue, mga 309 ka trabahante ang nakadawat sa ilang sweldo nga nagkantidad og kapin sa PHP1.5 milyon.
Sa Negros Oriental, adunay 1,000 ka trabahante sa TUPAD ang nakadawat sa ilang sweldo nga nagkantidad og kapin sa P4.6 milyon.
Usa pa ka batch nga 1,000 ka benepisyaryo sa TUPAD sa Probinsya sa Siquijor ang nakadawat sa ilang transaction codes aron makuha ang ilang sweldo nga nagkantidad og P4.6 milyon.
Sa Bohol, duha (2) ka nagdungan ang paghatag sa sweldo ang nahitabo diin kapin sa 2,500 nga mga trabahante sa TUPAD ang nakadawat sa ilang sweldo nga nagkantidad og P12.7 milyon.
Sa kinatibuk-an, mga 5,818 nga trabahante sa TUPAD gikan sa lainlaing bahin sa Central Visayas ang nakatagamtam sa bunga sa ilang pagpanarbaho sulod sa napulo (10) ka adlaw sa ilang tagsa-tagsa ka lokalidad diin ang DOLE 7 nang-apud-apod sa ilang sweldo nga nagkantidad og kapin P28,778,348.
Ang maong inisyatiba kabahin sa distribusyon sa DOLE 7 sa cash assistance sa mga benepisyaryo sa programa ubos sa pipila sa ilang flagship programs:
○ DOLE Integrated Livelihood Program (DILP);
○ Special Program for Employment of Students (SPES); ug
○ Government Internship Program (GIP).
Niabot sa 6,000 ka trabahante/indibidwal gikan sa lainlaing mga probinsya sa Region 7 ang nakadawat sa ilang sweldo nga nagkantidad og kapin P35.7 milyon atol sa Bagong Pilipinas Serbisyo Fair - “Handog ng Pangulo, Serbisyong Sapat Para Sa Lahat,” sa panahon sa pagsaulog sa adlawng natawhan sa presidente. / PR