MITIUROK: Kini ang tricycle nga nitiurok sa national highway sa Barangay Candaguit, lungsod sa Sibonga, alas 4:05 sa hapon, Dominggo, Enero 7, 2024, hinungdan sa pagkaangol sa pito ka mga tawo.
MITIUROK: Kini ang tricycle nga nitiurok sa national highway sa Barangay Candaguit, lungsod sa Sibonga, alas 4:05 sa hapon, Dominggo, Enero 7, 2024, hinungdan sa pagkaangol sa pito ka mga tawo. Hulagway kuha ni Abby Gail Abby

7 angol sa aksidente

Pito ang angol dihang ang usa ka tricycle ang nitiruok sa national highway sa Barangay Candaguit, lungsod sa Sibonga, alas 4:05 sa hapon, Dominggo, Enero 7, 2024.

Ang mga angol naglakip sa drayber nga si Nerio Requizo Mamporte, hamtong, ug ang iyang asawa nga si Meshel Saragena Mamporte, 38; ilang mga anak nga sila si Nershie, 14 ug Merjohn, 8, taga Barangay Abucayan, lungsod sa Balamban; Rey Payjee Santos, 38, ug iyang asawa nga si Gemma Santos, 38, uban sa ilang anak nga si Princess, 9, taga Pondol, Balamban

Sumala sa imbestigasyon sa kapulisan sa Sibonga nga ubos sa kamandaon sa ilang hepe nga si Polcie Capt. Fort Antony Valdez, ang mga biktima nga sakay sa tricycle gikan kini sa Brgy. Simala sa Sibonga ug padung na mopauli sa Balamban.

Pag-abot sa Candaguit, ni-overtake ang usa ka sakyanan nga gimaniho ni Ryan Olanda Padayao, 24, ulitawo ug taga Brgy Lamacan, Sibonga.

Sumala sa imbestigasyon, nasaghiran ang tricycle nga ni resulta sa maong aksidente.

Ang mga biktima gidali sa pagtabang ug gidala sa mga res­ponder sa Sibonga ngadto sa Carcar City District Hospital.

Samtang, ang drayber sa Mitsubishi Canter truck naa nitanggong sa Sibonga Municipal Station.

Related Stories

No stories found.
SunStar Publishing Inc.
www.sunstar.com.ph