Duna la’y pito ka mga classrom ang Pajo National High School sa Dakbayan sa Lapu-Lapu nga magsilbing polling precinct sa adlaw sa eleksyon sa Lunes, Mayo 12, 2025.
Ang principal nga si Mitchel Misa nitug-an sa SunStar Cebu niadtong Martes, Mayo 6, nga ang Commission on Elections (Comelec) Lapu-Lapu City Office mobutang lang og pito ka classrooms nga magamit, mas gamay kon itandi sa 10 sa nakalabay nga eleksyon.
Matod ni Misa nga dunay waiting room duol sa gate sa eskuylahan ang giandam alang sa senior citizens.
Ang SunStar Cebu ni-report niadtong Marso 20 nga ang eskuylahan kanunay makasinati og brownout resulta sa tungod sa overheating kay ang electrical breaker nisubra sa iyang maximum capacity.
Base sa report, ang rewiring ug breaker expansion sa eskuylahan nalangay tungod sa nagpadayong election ban.
“Ang direktiba gikan sa Department of Education, especially from Engr. Jacalan following the request, is really to implement deloading. His instruction is to avoid using the air conditioning units in the school, especially in the ICT laboratories,” matod ni Misa. / DPC