GIBILANGGO ang pito ka polis sa Eastern Visayas tungod sa suway nga pagpatay sa kandidato sa pagka mayor.
Pito ka mga polis ang gibutang sa kustodiya sa kampo sa Philippine National Police (PNP) sa Eastern Visayas human sa giingong suway nga pagpatay sa kandidato sa pagka mayor sa Albuera, Leyte ug giingong drug lord nga si Kerwin Espinosa niadtong Huwebes, Abril 10, 2025.
Gipadayag sa tigpamaba sa PNP nga si Police Brigadier General Jean Fajardo sa mga reporter sa Manila niadtong Biyernes, Abril 11, nga nagsugod na sila og imbestigasyon aron masuta kon ang pito ka mga polis nalambigit sa pasangil sa pagpamusil.
"Kung mayroon mang involved na police dito ay hindi niya ito itotolerate at hindi niya papayagan na ang mga pulis na ito ay ma involved sa mga ganitong klaseng mga activities much more magma ga-mit kaninuman para i advance ang kanilang political interest so galit si CPNP," matod ni Fajardo.
Ang pito ka mga polis, nakit-an sa usa ka compound nga gituohan nga naggikan ang mga namusil. Nakita sa kapulisan ang gigikanan sa pito human ang usa ka SUV nga nagdali gikan sa lugar sa pagpamusil ug padulong sa usa ka compound.
Ang pito ka mga polis anaa sa Albuera, bisan pa nga gi-assign sila sa Ormoc City.
Gidugang ni Fajardo nga posible nga si Espinosa gitirahan sa usa ka sniper. Ang mga armas sa maong mga polis gipaubos na sa ballistic examination.
Niadtong Biyernes, si Espinosa nibutyag sa iyang press conference nga live sa Facebook nga usa ka dakong politiko ang nagtinguha sa pagpatay kaniya.
Ang pito ka mga polis giila nga sila si Lieutenant Colonel Leonides Sydiongco, Sergeant Alrose Astilla, Corporal Arvin Jose Baronda, Corporal Jeffrey Dagoy, Corporal Alexander Reponte, Patrolman Maricor Espinosa, ug Colonel Reydante Ariza.
Si Ariza mao ang direktor sa Ormoc City Police Office.
Si Espinosa, kauban ang duha ka uban, naangol sa insidente sa pagpamusil samtang nagkampanya siya sa Lungsod sa Albuera. / SunStar Philippines