Usa ka 74 anyos nga lolo ang giataki sa usa ka hubog sa ilang balay sa Sityo Arbur, Brgy. Giloctog, lungsod sa Barili, alas 11:00 sa gabii, Sabado, Marso 16, 2024.
Ang biktima mao si Rodrigo Fajardo Pason, molupyo sa naasoy nga dapit.
Samtang, suspek sa pagpangataki mao si Josielou Escuzar, 28, ulitawo ug taga Brgy. Giloctog sa Barili, nga giingong hubog atol sa hitabo.
Nasayran kini sa Superbalita Cebu sa pakighinabi ni Police Master Sgt. John Robert Sacan ubos sa kamanduan sa ilang hepe nga si Police Maj. Janus Giangan.
Matod ni Sacan, way tino nga rason nga kalit gibunalan sa suspek ang 74 anyos gamit ang usa ka kahoy.
Dugang pa, ang biktima gitigbas sa dala nga sundang sa suspek apan wala kin maigo.
Hinuon, ang suspek nadakpan sa mga ningresponding polis ug nasakmitan kini og sundang.
Ang suspek gibalhog na sa bilanggoan ug nagpaabot sa pagpasaka og tumang kaso. (DVG)