74-anyos nga lolo nalumos

Nahimong masulob-on ang selebrasyon sa usa ka pamilya sa Easter Sunday sa dihang usa ka lolo nalumos.

Ang biktima giilang si Alfre­do Rubin Caballero, 74, minyo, taga sityo Proper, Brgy. Tubod, siyudad sa Toledo.

Basi sa imbestigasyon sa kapulisan sa Toledo City ubos sa kamandoan sa ilang hepe nga si Police Lt. Col. Manolo F. Salvatierra, nasayran nga ang insidente nahitabo sa Sityo Punong, Brgy. Ibo.

Ang pamilya nagsaulog sa Easter Sunday sa baybayon sa Ibo ug nanag-inom kuyog ang biktima.

Sa ilang pag-uli na unta, ilang namatikdan nga wa na si Caballero hinungdan nga ila kining gipangita.

Ila kining nabangalan nga naglutaw na sa fishpond sa Ibo, alas 10:30 sa gabii sa Dominggo, Marso 31, 2024.

Gisuwayan siya sa pagtabang apan napakyas. / DVG