Wa’y Joel Embiid, wa’y problema sa Philadelphia 76ers.
Sa pagkawala ni Embiid, mipuli sa scoring load si Tyrese Maxey gamit ang iyang 42 puntos aron barawon sa 76ers ang paglupad sa Houston Rockets, 131-127, sa NBA regular season game sa Houston, Texas.
Wa si Embiid sa tulo ka sunodsunod nga mga duwa tungod sa sprained right ankle niini, ug posible nga maka-absent pa kini’g usa pa ka duwa batok sa Chicago Bulls.
Si Tobias Harris niamot og 22 puntos alang sa 76ers, kinsa ningdaug sa ilang upat sa uwahing lima ka mga duwa.
Ang Houston nakakuha og 33 puntos ug 10 ka rebounds kang Fred VanVleet. Nidugang og 31 puntos si Jalen Green samtang si Alperen Sengun adunay 28 puntos, walo ka assists ug pito ka rebounds.