Nanghinaot ang Philadelphia 76ers nga maalim ra dayon ang pambato nilang sentro nga si Joel Embiid gikan bag-ong nasinati niining mga angol (right hip soreness ug right ankle sprain).
Si Embiid wala nakaduwa sa laing kapildihan sa 76ers batok sa host New York Knicks, 108-102, kagahapon, Huwebes, Mayo 7, 2026 (PH time), nga maoy hinungdan nga naumod sila sa 0-2 nga biya sa ilang Eastern Conference semi-finals series sa National Basketball Association (NBA) Playoffs.
Ang 76ers mao na ang mo-host sa magsunod duha ka mga duwa sa series ug igo lang sila sa pagpanghinaot nga makabalik na pagduwa si Embiid ning higayuna. / Gikan sa wires
