77 anyos nakit-an nga nagkadugta, baho na

Patay na nga nakit-an ang usa ka 77 anyos nga biyudo human gikataho nga missing sulod sa usa ka semana.

Usa ka Danilo Debulosan ang nitaho sa kapulisan nga ang iyang amahan nga si Roberto Jeminez Debulosan, ug mag-uuma sa Sityo Canlope, Brgy. Poblacion, lungsod sa Alcoy, ang ilang gipangita sud na sa usa ka semana.

Ila na lang kini nakit-an nga patay na sa kakahoyan nga tres kilometros gikan sa ilang balay, alas 11:45 sa buntag, Dominggo, Abril 28, 2024.

Nasayran kini sa Superbalita Cebu gikan kang P/Executive Master Sgt. Rodrigo Saquibal Teo, deputy chief sa Alcoy Municipal Police Station.

Girespondihan sa kapulisan uban sa ilang hepe nga si P/Capt. Jerry De Castro Magsayo uban sa mga sakop sa Alcoy Municipal Risk Reduction and Management Office.

Nakaplagan ang maong biyudo nga nagkulob nga baho na ug nagkadugta na.

Sumala sa pamilya, ang ilang amahan dunay gihambin nga balaian ug nilakaw nga wa mananghid kanila.

Ang pamilya nakahukom nga dili na ang ipa-autopsy human nagtuo nga way foul play sa kamatayon niini. / DVG