78-anyos nga ginang nadasmagan, namatay

78-anyos nga ginang nadasmagan, namatay
SunStar Moalboal

Namatay ang usa ka lola human nadasmgan sa usa ka motorsiklo dihang nilabang sa karsada alas 11:30 sa buntag sa Sabado, Hulyo 6, 2024 sa Brgy. Balabagon, lungsod sa Moalboal, habagatang kasadpang Sugbo.

Si Eugeniana Abuda, 78, minyo, nagpuyo sa nahisgutang lugar, namatay pipila ka minutos human niabot sa Badian District Hospital.

Ang suspek nga nakadasmag giila nga si Teddy Apatan, 56, minyo, maestro sa Badian National High School, taga Brgy. Taytay, Badian

Si Police Staff Sgt. William Irag, imbestigador sa Moalboal Police Station nga nahinabi sa Superbalita Cebu pinaagi sa telepuno, niingon nga ang biktima nilabang kay mopauli sa ilang panimalay sa atbang sa karsada.

Ang maestro gikan sa dakbayan sa Sugbo padulong mopauli sa Badian.

Nakita na niya ang biktima sa karsada. “Nag-ukon-ukon daw ning biktima, nihata-hata’g labang. Nagtuo siya nga dili modayon,kalit nga midagan,” dugang ni Irag.

Tungod niini, nidayon ang maestro pag-overtake sa multi­cab ug naigo ang biktima.

Nakaangkon og multiple crack sa gusok ang biktima base sa medical abstract nga nabasa sa kapulisan.

Si Irag nagkanayon nga nagkasabot ang both parties alang sa amicable settlement hinungdan nga alas 6:20 sa gabii sa Sabado, gi- released ang maestro.

Matod ni Irag nga nagkasabot nga ipahimutang ang biktima hangtod sa paglubong.

Ang maestro giingong moba­yad sab og P50,000 nga danyos ngadto sa tagtungod. / GPL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph