Gimanduan ni Philippine National Police (PNP) Chief Heneral Nicolas Torre III nga relihuban sa katungdanan ang walo ka mga hepe sa kapulisan sa Metro Manila tungod sa ilang kapakyas sa pagpatuman sa polisiya nga lima ka minuto ra ang gihatag nga tagal sa pagtubag sa emerhensya.
Gipadayag ni Torre nga ang gipulihan sa ilang mga posisyon mao ang mga hepe sa kapulisan sa Caloocan, Navotas, Valenzuela, Mandaluyong, Marikina, San Juan, ug Makati.
“That is our commitment to the President and to the Filipino people. So if they can’t cope up with it, if they can’t step up to that standard, we will look for commanders who will do so,” matod pa ni Torre.
“May walo kami ngayon na na-relieve and there will be more because I was there in Central Visayas yesterday in Iloilo and may mga na-caution akong mga provincial director doon. We will declare those positions open so that mabigyan naman ng pagkakataon ang mga ibang interisado at qualified at sa tingin natin ay kayang gawin yung ating pamantayan,” dugang pa niya.
Gipasabot ni Heneral Torre ang kamahinungdanon sa paggamit sa two-way radios sa mga komander, ingon man ang klaro nga paghatag og mando aron epektibong matubag ang mga sitwasyon sa emerhensya.
“I want them to actually command not only figuratively but literally. They can issue the command over the radio or in a communication na gusto nila. Kung kaya ba naman nilang cellphone ang gamitin sa five-minute response, e, okay lang. But I assure you, if they use the cellphone, it won’t work,” matod pa ni Torre.
Una nga gipatuman ni Heneral Torre ang polisiya sa lima ka minuto nga emergency response time atol sa iyang paglingkod isip direktor sa Quezon City Police District isip suporta sa pagpatuman ug paggamit sa 911 hotline.
Ang 5-Minuto nga Response Time Strategy nagtimaan sa usa ka mahinungdanong pagbalhin gikan sa tradisyonal nga pagbantay sa kapulisan nga nakabase sa presinto nga nagbag-o sa presensya sa kapulisan ngadto sa mas mobile, pro-active, ug nakasentro sa katawhan nga pamaagi.
Kini nagtumong sa pagsiguro nga ang mga tawag alang sa panabang tubagon dayon, propesyonal, ug sa bisan unsang orasa sa adlaw. / TPM /SunStar Philippines