Gibanabana nga 80,000 ka mga lumulupyo sa Cambodia ang namakwit gikan sa ilang mga pinuy-anan aron mangita og luwas nga dapit sa human ang armadong panagsangka tali sa mga sundalong Cambodian ug Thai matod sa tigpamaba sa Ministry of Defense kaniadtong Domingo, Hulyo 27, 2025.
"The number of evacuees in three provinces, namely Preah Vihear, Oddar Meanchey and Pursat, has risen to 25,000 families with up to 80,000 people," matod ni Cambodian Defense Ministry's Undersecretary of State and Spokesperson, Lieutenant General Maly Socheata sa usa ka press briefing.
Dugang ni Socheata nga moabot sa 536 ka mga eskuwelahan ang gisirhan, nga nakaapekto sa 130,000 ka mga estudyante.
Sukad nagsugod ang away kaniadtong Huwebes, Hulyo 24, 2025, kapin sa 30 ka mga tawo gikan sa duha ka mga habig ang nangamatay.
Kapin sa 100,000 ka mga tawo ang gibalhin sa luwas nga mga dapit, sumala sa mga numero nga gihatag sa duha ka mga nasod.
Ang duha ka habig nagbinasolay sa matag usa sa paglapas sa internasyonal nga balaod ug sa pagsugod sa panagsangka. / Xinhua