Niabot na ngadto sa 85 ang ihap sa nangamatay tungod sa tropical storm Kristine, si Office of the Civil Defense Administrator Undersecretary Ariel Nepomuceno niingon sa Dominggo, Oktubre 27, 2024.
Sa usa ka pakighinabi sa radyo, si Nepomuceno niingon nga ang mga gikataho nga pagkamatay gilauman nga motaas, diin 41 ka mga tawo ang nawala.
Ang mga namatay gikan sa Calabarzon (Rehiyon 4A), Bicol, Zamboanga Peninsula, ug Central Luzon.
Ang tropical storm Kristine mao ang labing daghang nangamatay gikan sa miaging tuig sa nasod hangtod sa 2024, nga milabaw sa 48 nga pagkamatay nga natala tungod sa pag-ataki sa hiniusang epekto sa tropical cyclone Butchoy ug Carina niadtong Agusto.
Sa usa ka situational report, ang National Disaster Risk Reduction and Management Council (NDRRMC) nagkanayon nga dul-an sa 1.5 milyunes ka pamilya, o halos 5.8 milyones ka indibidwal sa 8,895 ka barangay sa nasod ang apektado sa epekto ni Kristine, diin 91,189 ka pamilya o 382,154 ka indibidwal ang na-displaced.
Mokabat sa P562,071,849.27 ang kantidad sa hinabang lakip na ang pagkaon ug dili pagkaon, ang nahatag sa apektadong populasyon.
Gi-monitor usab sa disaster bureau ang 288 ka lugar nga gibahaan, lima ka insidente sa kadagatan, 24 ka mga kahoy nga nangatumba, 17 ka buhawi, 19 ka pagdahili sa yuta, ug usa ka aksidente sa sakyanan sa mga apektadong rehiyon.
Kapin sa 27,600 ka balay ang naguba sa bagyo samtang ang danyos sa imprastraktura niabot sa P825,130,698.30.
Gibanabana nga mokabat sa dul-an sa P1.5 bilyunes ang kantidad sa kadaot nga naangkon sa agrikultura apektadong rehiyon. / TPM / SunStar Philippines