9 ka balay naugdaw

 GILAMOY: Kapin sa 30 ka mga tawo ang nawad-an og kapuy-an sa dihang sunog miulbo, Martes sa kadlawon, Disyembre 5, 2023.
GILAMOY: Kapin sa 30 ka mga tawo ang nawad-an og kapuy-an sa dihang sunog miulbo, Martes sa kadlawon, Disyembre 5, 2023. Gikan sa Facebook page ni Nagiel Bañacia

Nagkaguliyang ang mga residente sa Aviation Road sa Sityo Cagodoy, Barangay Basak, Lapu-Lapu City sa dihang miulbo ang sunog ala 1:40 sa kaadlawon sa Martes, Disyembre 5, 2023.

Base sa pasiunang impormasyon nga nakuha sa Superbalita Cebu, ang sunog miigo sa usa ka compound sa ma­ong dapit.

Giingong nagsugod ang kayo sa balay ni Zosima Melindo, sigun ni SF01 Joseph Yungco.

Dali nga mikatap ang kayo ilabi na nga made of light materials ang mga istruktura nga nagsikitsikit sa mga kasikbit.

Gibana-bana nga adunay 37 ka mga tawo nga apektado sa maong sunog nga kasamta­ngang gipahiluna sa Basak covered court.

Atol niining pagsuwat, nag­padayon pa ang imbestigasyon sa pagtino sa hinungdan sa sunog nga gibana-bana nga nidanyos og P150,000.

Way gikataho nga naangol o nakalas sa maong insidente.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph