94 ka mga pamilya apektado sa sunog

Mandaue City Map.
Mandaue City Map. (Google Maps)

Dili mominos 94 ka mga pamilya ang apektado sa sunog sa tulo ka mga purok sa Barangay Basak, Siyudad sa Mandue, alas 11:54 sa buntag sa Huwebes, Mayo 23, 2024.

Si SF01 Shanmie Bryan Bocado, chief investigator sa Bureau of Fire Protection sa (BFP) sa Mandaue City, nibutyag nga ang nangaapektuhan mao ang Purok Alliance, Purok Santan ug Purok Saging-Saging.

Ang sunog giisa sa 1st alarm sa alas 11:59 sa buntag, 2nd alarm sa alas 12:11 sa udto, fire under control sa alas 12:37 sa udto ug hingpit nga napawong mga says minutos ang nakalabay.

Sumala ni Bocado, ang sunog nasugod sa balay ni Merced Kyamko ug daling nikatay nga niangin sa dili mominos 44 ka ma balay.

Matod niya nga sa pasiunang assessment, ang apektado’ng mga pamilya mokabat sa 94 ug gilangkuban sa 375 ka mga indibiduwal nga gipahiluna sa evacuation center.

Ang sunog gibana-bana nga nagbilin og danyos nga P280,000 ug wa hinuoy kinabuhi nga nakalas o naangol.

Atol ning pagsuwat, si Bocado niingon nga naghimo pa sila og dugang imbestigasyon sa pagtino sa hinungdan sa sunog. / DVG

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph