Abando gisugat og kadaugan

Rhenz Abando /
Rhenz Abando / Hulagway gikan sa Internet

Naghimo dayon og langas si Filipino import Rhenz Abando sa iyang pagbalik gikan sa pagkaangol ug nimugna kini’g 17 puntos, upat ka rebounds ug tulo ka assists aron agakon ang Anyang Jung Kwan Jang Red Boosters sa kadaugan batok sa Goyang Sono, 92-87, niadtong Dominggo sa gabii, Marso 3, 2024, sa Korean Basketball League.

Si Abando nipakita’g aksyon sulod sa 28 ka mga minutos sa labing una niyang pagbalik og duwa gikan niadtong Disyembre, 2023 dihang nakasinati siya og grabeng pagkaangol (lumbar fracture).

Ang pagbalik og duwa ni Abando gisaksihan ni Philippines Ambassador to Korea, H.E. Maria Theresa B. Dizon-De Vega, kinsa gi-host sa East Asia Super League (EASL) kauban ang ubang mga miyembro sa Filipino community sa Anyang.

Si Abando moduwa sa Anyang sa EASL Final Four sa Hoops Dome sa Lapu-Lapu City karong Marso 8 ug 10, 2024. / ESL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph