Aberin: Rambol sa Liloan kinahanglang di masubli

Aberin: Rambol sa Liloan kinahanglang di masubli
P/Lt. Col. Gerard Ace Pelare.

Nimando si Police Regional Office (PRO 7) Director Brig. General Anthony Aberin sa provincial director kang Cebu Police Provincial Office (CPP) director Col. Percival Zorilla nga segurohon nga dili na masubli ang nahitabong karambula sa mga batan-on sa lungsod sa Liloan.

Matod ni P/Lt. Col. Gerard Ace Pelare, spokesperson ni Aberin, nga lakip sa gimando sa heneral nga pasakaan og kaso ang mga nalambigit sa karambula.

Niadtong Dominggo sa gabii, Hunyo 16, 2024, nadakpan ra hinuon dayon ang napulo ka mga batan-on nga maoy responsabli sa kagubot.

Ang Liloan Municipal Police Station sa pagpangulo ni Major Eric Gingoyon mosang-at og kasong tumultuous affray ug alarm and scandal batok sa mga suspek.

Gibutyag ni Gingoyon nga pahugtan pa nila ang ilang pagpatrolya panahon sa kagabhion hangtod na sa kaadlawon ilabi na sa weekend diin daghan ang manggawas aron mag-inom sa mga imnanan.

Tinguha nila nga ang mga batan-on dili mahatagan og higayon nga makahimo og kagubot nga tungod niini giawhag niya ang mga barangay tanod nga molusad usab sa pagpatrolya sa ilang hurisdiksyon. / AYB

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph