Gideklarar ni Presidente Ferdinand "Bongbong" Marcos Jr., ang Abril 1, 2025, nga usa ka regular holiday sa tibuok nasod agi og timaan sa Eid'l Fitr o Feast of Ramadhan.
Ang Proclamation No. 839, subay sa Republic Act (RA) 9177, gipirmahan niadtong Marso 20, 2025, nga nagtumong sa pagtahod sa relihiyoso ug kultural nga kahulogan sa Eid'l Fitr ug tugotan ang nasod nga makiselebrar sa Muslim community sa ilang kasaulogan.
Ang RA 9177 nagdeklarar sa unang adlaw sa shawwal, ang ika-10 nga bulan sa Islamic nga kalendaryo, usa ka nasudnong holiday alang sa pag-obserbar sa Eid'l Fitr, ug ang ika-10 nga adlaw sa Zhul Hijja.
Ang National Commission on Muslim Filipinos nirekomendar sa pag-obserbar sa Eid'l Fitr sa Marso 31, 2025 (Lunes), o Abril 1, 2025 (Martes), diin ang naulahi mao ang opisyal nga gipili alang sa national holiday.
Ang holiday declaration nagsiguro nga ang mga Filipino sa tibuok nasod makaapil sa malinawon nga pagsaulog sa relihiyuso nga okasyon uban sa ilang mga kaigsuonang Muslim.
Sa usa ka pamahayag, gipasiugda sa Presidente ang kamahinungdanon sa pagpalambo sa panaghiusa ug panag-uyon pinaagi sa gipaambit nga pagsaulog sa Eid'l Fitr, nga nagtimaan sa pagtapos sa balaang bulan sa Islam sa Ramadhan.
Gikan sa pagpuasa hangtod sa kapistahan, ang mga Muslim nagsaulog sa pagtapos sa 30 ka adlaw nga espirituhanong pagpamalandong ug disiplina pinaagi sa komunal nga pag-ampo, charity, ug pakig-uban. / JGS / SunStar Philippines