Abueva gipamulta’g P100K kay nagbugalbugal

Calvin Abueva
Calvin Abueva PBA

Gipamulta og P100,000 sa Philippine Basketball Association (PBA) si Magnolia Chicken Timplados Hotshots forward Calvin Abueva gu­mikan sa bugalbugal nga aksyon niini ngadto kang San Miguel Beermen coach Jorge Gallent atol sa Game 2 sa Commissioner’s Cup finals series sa Mall of Asia (MOA) Arena sa Pasay City.

Sa insidente, gisundog ni Abueva ang usa ka mata ni Gallent nga nabuta nga agi’g resulta dihang naaksidente si­­­ya sa motorsiklo niadtong 1998.

Naggamit na lang og artificial nga mata si Gallent sa tuo nga bahin.

Dihang gipatawag siya ni Commissioner Willie Marcial, gipasabot ni Abueva nga nangayo ra dayon siya og pasaylo ni Gallent pagkahuman gyud sa insidente ug gidawat kini ni Gallent.

Atol sa insidente, nagkalalis sila si Abueva ug Gallent. Pareho silang napahamta­ngan og technical fouls.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph