Admin sa ‘Cebu Updates’ FB page, gikiha sa City Hall

Admin sa ‘Cebu Updates’ FB page, gikiha sa City Hall
SunStar Local News GPX

Samtang nagpakahilom ang duha ka respondents sa kasong illegal access ug computer-related identity theft nga gisang-at sa Cebu City Go­vernment bahin sa isyo, ang Cebu Updates Facebook page niigo na usab sa pipila ka mga opisyal sa Cebu City Hall.

Sa Facebook post sa Martes, Pebrero 6, 2024, ang Cebu Updates niingon nga magpabilin silang ‘vigilant’ sa mga ‘anomaliya’ sa city hall.

“Karon nga gikiha mi sa Cebu City Hall, dili mi mahadlok, mas magbantay pa mi sa iLang kaboang. #SaveCebuCity,” mabasa sa post niini.

“Wow. Ang dili maka-agwanta og tubag sa legitimate issues nga atong gi-tuki dinhi kay mokiha na lang? Unsa ni, martial law? Kon mo-criticize ta sa sayop sa Mayor ug mga Cebu City officials (daghan raba) harasson ug gukdon diay dayon ta gamit ang resources sa Cebu City Government? Sakto pa mo pangtutok? #TaloAngPikon #IsThisSingaporeLike,” mabasa sa laing post sa Cebu Updates.

Ang Kagamhanan sa dakbayan sa Sugbo nipasaka niadtong Lunes og illegal access charge ug computer-related identity batok sa duha ka mga tawo nga giingong nalambigit sa operasyon sa Cebu Updates.

Ang City Government niingon nga ang imbestigasyon nga gihimo sa Anti-Cybercrime Unit sa kapulisan nisangpot sa giingong kalambigitan nila ni Erwin dela Cerna ug Christian Tura.

Ang mga mensahe nga gipadala ngadto kang Dela Cerna pinaagi sa Messenger nagpabilin nga wala matubag hangtod ning pagsulat. Samtang wala pa matubag ni Tura ang maong isyo.

SERBISYO O ATAKE

Ang Cebu Updates Facebook page nag-post og lain-laing mga content nga mahimong ma-categorize sa live streaming pinaagi sa “mga talent,” gipaambit nga mga post bahin sa mga kasamtangang kalihukan ug kalingawan gikan sa mga kredible nga media entities, lain-laing media service posts, pa­hibalo, ug “mga pag-atake” sa ad­ministrasyon sa dakbayan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph