Gikumpirma ni Philippine National Police (PNP) Chief General Nicolas Torre III nga base sa pamahayag sa suspek-nga-nahimong whistleblower nga si Julie “Dondon” Patidongan, nailhan sab sa alyas nga Totoy, dili lang sa Taal Lake gipanglabay ang mga lawas sa mga na-missing nga sabungero, aduna pay laing lokasyon.
Sa usa ka press conference niadtong Lunes, Hulyo 7, 2025, gitug-an ni Torre nga si Patidongan nangayo og tabang sa PNP aron buhion pagbalik ang lawom nga imbestigasyon kalabot sa kaso sa mga na-missing nga sabungero, sa panahon nga si Torre pa ang hepe sa Criminal Investigation and Detection Group (CIDG), sa wala pa siya gitudlo isip PNP chief niadtong Hunyo.
Si Patidongan mao ang kanhi hepe sa security sa cockpit arenas diin nahitabo ang kidnapping sa mga sabungero.
Matod ni Torre nga hilom naglihok ang CIDG sa pagtabang kang Patidongan sa paghimo og affidavit, human nga iyang gitudlo ang kapin sa 20 ka mga sakop sa kapulisan nga nalambigit sa pagpatay sa mga biktima, gibutyag sab ang mga lokasyon kon diin gipanglabay ang ilang mga lawas, ug gitumbok sab ang mastermind sa maong krimen.
“Well, si Totoy kasi, matagal na sa amin nagbibigay ng statement. Kami actually ang kumuha ng statement niyan months before. Kaya lang, siyempre, we have to put it under wraps to ensure na hindi ma-preempt ang aming mga moves. Kaya nga kami nakakuha ng voluminous evidence dahil medyo under the radar ang pagkuha namin ng information na yan. Nag-followup kami para masiguradong matibay ang kaso,” matod pa ni Torre.
“Well, I was very shocked at saka doon nga alam na namin noon pa, and that’s why it firmed our resolve na talaga i-solve ito dahil karumaldumal naman talaga ang nangyari, not acceptable by any standards,” dugang pa niya.
Sa sayo pa, adunay 15 ka sakop sa kapulisan nga gilakip ni Patidongan sa affidavit anaa karon sa restrictive custody sa Camp Crame.
Ang labing taas nga ranggo sa ilang grupo nagranggo og Police Lieutenant Colonel.
Wala ibutyag ni Torre kon unsay papel sa mga nalambigit nga polis apan sa eksklusibong pakighinabi sa GMA News, giingon ni Patidongan nga sila ang responsable sa pagpangdakop sa mga sabungero nga gipasanginlan nga nanikas.
“Pero ito, hindi natin tinatapos sa 15 ito. Kapag lumawak ng lumawak ang imbestigasyon, baka mas marami pa. At yun nga ang sinasabi namin, wala kaming sasantuhin dito. We will leave no stones unturned. Kahit na dumami ng dumami, pinakaimportante rito is una, mabigyan ng hustisya ang mga biktima, at pangalawa, ma-cleanse na rin ang organization ng PNP sa mga ganung klase ng personnel,” matod ni Torre. / TPM / SunStar Philippines