Napili ang usa sa mga pambato sa Terrafirma Dyip nga si Jerrick Ahanmisi isip labing unang mananaog sa Philippine Basketball Association (PBA) Press Corps Player of the Week sa bag-uhay lang nagsugod nga Season 50 Commissioner’s Cup.
Kini human nakarehistro si Ahanmisi og averages nga 20 puntos, 1.5 rebounds, 6.0 assists ug 2.5 steals sa nag-unang duha ka mga duwa sa Dyip diin ilang gipangligsan ang Titan Ultra Giant Risers, 112-82, ug Converge FiberXers, 111-100.
Sa tanang local players sa Dyip, si Ahanmisi ang nakahatag og labing dakong suporta sa ilang impresibong 7-footer nga import nga si Ali Mubashar.
Niini pa lang ka sayo sa komperensiya, nakapakita na ang Dyip nga paingon na silang makalugnot gikan sa imahe nga kulatahunong puwersa. / ESL