Alang ni Marcial, mas mikusog iyang kumo

Eumir Marcial.
Eumir Marcial.File photo

Gipabuhagay ni Filipino Eumir Marcial nga nilambo ang tanang aspeto sa iyang abilidad hilabi na ang ang kakusog sa iyang kumo ug iyaha kining gamiton sa nagkaduol niyang tahas.

Ang Tokyo Olympics bronze medalist nakatakdang mosagubang og laing professional bout sa iyang pagbalik og away sa Pilipinas karong Marso 23, 2024 batok kang Thai Thoedsak Sinam sa Ninoy Aquino Stadium.

Nagsilbe kining usa sa hugot nga preperasyon ni Marcial sa dili pa siya mohamag sa uma­abot nga 2024 Paris Olympics.

“Naramdaman ko yung suntok ko, ‘di lang mabigat kundi yung diin. Means na hindi lang nadevelop yung lakas, mas nagsharp pa talaga,” matod ni Marcial nga napatik sa www.gmanews.tv.

Si Marcial nahibalik sa na­sod sa miaging semana human sa hugot niyang pagban­saybansay sa Amerika.

Isip professional boxer, si Marcial naggunit lang og 4-0, 2KOs nga rekord apan nabaid na’g maayo ang abilidad niini sa amateur rank. Sa iyang bahin, si Sinam naghupot og 23-13, 19KOs nga baraha. / ESL

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph