NASUGAMAK sa kapildihan ang Alas Pilipinas Men team batok sa Thailand, 25-16, 25-22, 26-24, sa first leg sa SEA V.League niadtong Huwebes, Hulyo 10, 2025, sa Candon City Arena sa Ilocos Sur.
Ang Alas Pilipinas, nga nasubhan og dalaygon nga kadaugan batok sa Vietnam, nagsalimoang batok sa Thailand.
Sikit pa ang hinampakay sa sayong bahin sa 1st set apan kalit lang ningdominar ang Thailand sa hinapos nga bahin.
Sa 2nd set, ang Alas Pilipinas nakaposte og 13-10 nga labaw apan wala kini nila naprotektahan ug nakuha sa Thailand ang tres puntos nga kadaugan.
Sa 3rd set, sikit ang hinampakay gikan sa sinugdanan hangtod sa katapusan apan wala nakalahutay ang mga Pinoy,
Karong Sabado, Hulyo 12, sangkaon sa Alas Pilipinas ang Cambodia. / ESL